Ch´ti qui n´est pas d´ichi
Et qui acoute ch´posse
I pourrot s´faire eun´ fausse idée,
ln y parl´ que d´terrils
In rint´, in sort de I´foss´
Et sins vouloir démépriser
Ni ch´métier, ni chés hommes,
In´ n´a quéqu´ fos plein l´dos
D´ boir´ sin pinard dins in bot´lot
Mier du pain d´aloette
Arlèquer des gaillettes
Et ch´est pour cha que j´veux canter :

Dins l´Nord y a pas qu´des corons
Dins l´Nord y a pas qu´du carbon
ln a aussi du houblon
ln a aussi du pichon.

Si t´vas dins l´Avesnois
Té pousses ch´qu´à Trélon
Ten´verras mi in bout d´carbon
Te vas dins l´Boulonnais
D´Desv´ jusqu´à Samer
Y a mal aissé d´vir un porion
Te vas jusqu´à Dunkèque
T´argiter à Arnèke
Is n´ont jamais vu eun´gaillette
Alorss je n´n´ai assez
De m´faire intoxiquer
Ch´est bin pour cha que j´veux canter.

Dins l´Nord ya pas qu´des corons
Dins l´Nord ya pas qu´du carbon
ln a un aut´horizon
La mer et les carillons

Te vas dins I´Cimbrésis
Té déjeinne à Caudry
Cache toudis après chés terrils
Si te t´artreuff ´ tout près
D´Tourcoing ou bin d´Roubaix
N´ont jamais vu un chevalet
Te fil´jusqu´au Gris-Nez
Aveuque t´tiote guernoull´
Ch´est là qui vivot l´grand Raoul
Te verras pas d´carbon
Mais te pêqu´ras des moules
ln cantant com´ les Capenoules.

Dins l´Nord autour des corons
Dins l´Nord ya d´l´accordéon
Dins l´Nord ya pas qu´du carbon
ln a aussi des canchons.