Ara que siatz amassats
Volèm cantar clar Marselha
Qu´es una granda ciutat
L´ostau de tantei familhas
Cadun i a sei " tracas "
Cadun i fa son " boulot "
E nautrei paurei joglars
Nuech e jorn siam a cantar tot aquò.

Navegaire va viatjar
Sus lei mars de la planèta
Li fau totjorn avançar
Dins l´oragan ò l´aureta
Saup pas quora tornarà
D´Argeria ò de Riò…

Lo menaire va menar
Dau motor es a l´escota
Son camion fa sa fiertat
Es ben lo rei de la rota
Es jamai a pantaiar
Se mesfisa deis autòs…


Lo jugaire va jugar
E la glòria lo convida
Lo balon lo fa dançar
Que vòu ganhar la partida
E drech au but anirà
Siegue amator ò prò…

La caissièra va comptar
Lo factor pòrta novèlas
La regenta es a dictar
Lo metge espincha leis estelas
Pòdon totei se pausar
A la fin dau numerò
Mai nautrei paurei joglars
Nuech e jorn nos fau cantar tot aquò.